Convocadas as probas para a acreditación de matemáticas e linguas

A Xunta da Galiza convocou esta segunda feira as probas de avaliación en competencias clave en matemáticas e linguas castelá, galega e inglesa, para que as persoas sen o título de Educación Secundaria Obrigatoria ou Bacharelato poidan acreditar os seus coñecementos, acceder á formación para o emprego e cursar os certificados profesionais que inclúen como requisitos esta formación. Ao redor de 4.000 persoas poderán acceder á convocatoria 2024. A presentación de solicitudes poderá realizarse a través da sede electrónica da Xunta, abrirase desde esta terza feira e estenderase até o próximo 15 de febreiro. Este ano realizaranse dúas probas, unha en xuño e outra en outubro.