Ana Pontón lanza #CódigoAna, un programa para redes sociais de conversas "francas e distendidas"

A portavoz nacional do BNG, Ana Pontón, vén de crear un novo formato en redes sociais co obxectivo de abordar as diferentes temáticas de actualidade e preocupacións da cidadanía cun formato distendido e con persoas referentes de cada un dos ámbitos, o que busca chegar a colectivos máis aló do discurso político tradicional. Faino a través da apertura simultánea en redes sociais de #CódigoAna, no que, segundo as fontes nacionalistas, faranse charlas "francas e distendidas" con temas que "interesan e preocupan" a cidadanía.