5.103 demandas de ruptura matrimonial en 2023, practicamente as mesmas que no ano anterior

O número de demandas de ruptura matrimonial —nulidades, separacións e divorcios— presentadas na Galiza en 2023 foi de 5.103, practicamente as mesmas que as que se rexistraron en 2022 (5.117), cunha leve diminución de 0,3%. Así se desprende dos datos publicados esta sexta feira pola Sección de Estatística do Consello Xeral do Poder Xudicial, onde se apunta que, en canto ao número de solicitudes por cada 100.000 habitantes, contabilizáronse no país, no período estudado, 189, fronte ás 192,1 da media estatal. Na comunidade aumentaron tanto os divorcios consensuados —de 2.885 a 2.912, un 0,9%— como os non consensuados —de 2.039 a 2.068, un 1,4%—.