vertedoiro

Está en trámite a construción nesta parroquia do Concello de Ordes dun vertedoiro de residuos ao tempo que se autoriza a instalación dunha liña eléctrica por riba do mesmo, de onde emanarían gases combustíbeis.

Máis de cen veciñas e veciños afectados polo vertedoiro de Miramontes realizaron unha andaina desde Grixoa até o centro de Compostela para lle reclamar solucións tanto á Xunta como ao Concello.

Nada máis ter coñecemento da intención de Reciclaje Ambiental Lesta, S.L. de construír un vertedoiro de residuos non perigosos na parroquia de Lesta (Ordes), a portavoz do BNG en Bruxelas, Ana Miranda, visitou o lugar acompañada de veciñanza e do BNG de Ordes e comprometeuse a loitar no Parlamento europeo contra a instalación. Conversamos con ela acerca das iniciativas que presentou.

A Casa da Cultura de Ordes acollerá na tarde desta cuarta feira unha sesión plenaria de carácter extraordinario -que ten lugar a iniciativa do Grupo Municipal do BNG- na que todos os grupos políticos asumirán unha por unha as demandas dos veciños e veciñas contra o vertedoiro de Lesta.

Na documentación administrativa sobre o vertedoiro que Reciclaje Ambiental Lesta S.L. pretende construír nunha parroquia de Ordes figura o nome de Generoso Fraga Rivas como representante da empresa. Foi o concelleiro de Obras e Servizos de Cerceda, cargo que abandonou por motivos persoais en 2011. Outra empresa da súa propiedade prestou servizos a dez concellos da comarca.

A empresa Reciclaje Ambiental Lesta S.L. pretende instalar na parroquia de Lesta (Ordes) un vertedoiro de residuos industriais de construción e demolición nun terreo con zona húmida de xunqueira e con dúas especies de ras protexidas. A veciñanza teme que os lixiviados provoquen a contaminación das augas.

O informe Bandeiras Negras de 2012 situouna como unha das rías máis contaminadas de Europa polas emisións directas de residuos procedentes de varias fábricas. Nesta completa reportaxe repasamos en que situación en que se atopa a ría e o sector produtivo que se move ao redor dela