Lois Carré

A editorial Alvarellos vén de recuperar, na súa colección Rescate, a biografía de Manuel Murguía escrita por Lois Carré, 'Manuel Murguía. O patriarca', que permanecía inédita no arquivo persoal do escritor. Malia que incompleta -o falecemento do autor impediu que rematase a parte dedicada aos últimos anos de quen consideraba o fundador da causa nacional galega- o libro completa o retrato de Murguía que se tiñan até o de agora, con elementos que derivan do trato persoal que tivo con el.