MEMORIA E HISTORIA
A insubmisión galega de Fernando de Castro, Pardo de Cela e as abadesas en tres libros
01/dec./23
O sábado 16 de decembro distribuirase gratuitamente con Nós Diario unha biografía de Pedro Pardo de Cela elaborada polo historiador Alexandre Peres Vigo. A obra, incluída na colección 'Biografías esenciais do reino da Galiza', terá continuidade nos seguintes sábados do mes con dous traballos análogos sobre as abadesas galegas rebeldes contra os Reis Católicos, da autoría de Carolina Casal e Carme Varela; e sobre Fernando Ruis de Castro, escrito por Francisco Rodríguez. Os tres volumes trazan un percorrido da revolta galega contra Castela dos séculos XIV e XV.