Eleccións municipais 2019

O portavoz de Democracia Ourensá, Gonzalo Pérez Jácome, propón un pacto de catro forzas para explusar Manuel Baltar da presidencia da Deputación de Ourense. Manifestouno esta terza feira en comparecencia de prensa e no acordo inclúe PSOE, Ciudadanos e BNG.

Unha operación Barcelona en Comú-PSC-Valls sumaría asentos suficientes (a maioría absoluta está en 21) para abortar o acceso de Ernest Maragall, o candidato máis votado, ao buque insignia do municipalismo catalán, a alcaldía de Barcelona.

“Comezou a conta atrás para o PP” afirmou a portavoz nacional do BNG após analizar os resultados das eleccións municipais e europeas. Pontón salientou que o BNG está chamado a ser o protagonista do cambio político que augura para o país nas eleccións galegas de 2020.

As eleccións do 26M significaron un importante avance para o PSdeG ante un PP que continúa perdendo poder. O secretario xeral do PSdeG, Gonzalo Caballero, amósase satisfeito após analizar uns resultados que simbolizan para o líder do PSdeG a “apertura dun tempo novo para o país”, en relación á nova caída que sofre Feixoo.

O aínda alcalde de Ourense, Jesús Vázquez, até este domingo único mandatario urbano do PP, vén de descartar pacto ningún con Democracia Ourensá e asume que será o PSdeG quen goberne a cidade os vindeiros catro anos. A dereita perde así a única das sete urbes en que mandaba.

O 26M deixa nove municipios galegos onde a forza gañadora alcanzou maiorías absolutas que superan o 80% dos votos. Delas, 6 son para o PP (Beariz, Esgos, Quintela, Vilarmaior, Sarreaus e Friol), 2 para o PSdeG (Dumbría e Ourol) e outra para Xuntos (Vilar de Santos).

​

Nas eleccións europeas Vox ficou por baixo de 3% dos votos na Galiza, Euskal Herria e Catalunya, territorios onde nas municipais ficou sen representación agás no concello catalán de Salt.

Na de Pontevedra, por vez primeira na historia do ente provincial, o PSOE supera o PP e podería gobernar en maioría. Na da Coruña todo apunta a que se reeditará o pacto entre PSOE e BNG e en Lugo tamén poderían formar goberno. A Deputación de Ourense fica no aire, pendente dos resultados.

A formación morada só consegue representación nun dos catro municipios en que concorreu baixo a súa baixa nas eleccións municipais. Trátase de Ames, onde logrou dúas actas. Non consegue entrar nas Corporacións de Lugo, Marín e Ourense.

As candidaturas do partido jelkide son as máis votadas en 115 concellos do País Vasco e as de EH Bildu en 89. Nas Europeas a lista máis votada foi a do PNV (34%), seguida da de Agora Repúblicas, con 22%.

ERC é a forza máis votada nas municipais e vence en Barcelona e outros 342 municipios. A lista para o Europarlamento liderada por Carles Puigdemont obtén un millón de votos.

Dun empate entre BNG e PP a unha maioría absoluta do BNG. Un erro informático na web do Ministerio do Interior puña fin á hexemonía do Bloque na vila do Arnoia.

O Partido Popular continúa a súa caída na Galiza. Nas cidades só logra impoñerse en Ferrol e na Coruña -nesta cidade por unha estreita marxe de votos- mais non o suficiente como para se facer coas alcaldía. Soben o PSOE, que se sitúa a un pé de acadar o bastón de mando en seis das sete cidades e o BNG, que continúa como primeira forza en Pontevedra e que aumenta un 25% de apoios nas urbes. Caen as autodenominadas candidaturas de unidade popular, que fican sen A Coruña, sen Ferrol e sen Compostela.

Nove representantes para as socialistas, sete para o PP, os mesmos que logra D.O, e dous para Ciudadanos. BNG volve á Corporación, con dúas representantes.

O PSdeG faise con 20 das 27 concelleiras da corporación viguesa. O BNG retorna ao Concello e PP e Marea perden tres e un edil respectivamente.  

O ascenso do BNG, que pasa de dous a cinco edís e medra sete puntos porcentuais, posibilitará que a esquerda manteña a alcadía de Lugo. O Partido Socialista da actual alcaldesa Lara Méndez retrocede lixeiramente en voto pero mantén os oito concelleiros.
 

O retorno de Xosé Sánchez Bugallo á competición electoral en Compostela saldouse cun rotundo triunfo. Co ex alcalde como cartaz, o PSdeG subiu cinco escanos e converteuse ne forza máis votada. Martiño Noriega, actual alcalde, e Compostela Aberta caen á terceira posición coa metade de concelleiros que obtivera en 2015: cinco.
 

Miguel Anxo Fernández Lores recuncará como alcalde de Pontevedra ao obter o BNG 11 actas, fronte ás nove do PP e as catro do PSOE e a acta de Ciudadanos. Perde a representación Marea Pontevedra.

Os populares atinxen 12 edís mentres que PSdeG (8), Ferrol en Común (3) e BNG (2) suman 13

Inés Rey, candidata do PSOE, será a próxima alcaldesa da Coruña. Logra nove actas e fica a apenas 300 votos do PP. A Marea Atlántica de Xulio Ferreiro retrocede das dez que lle deran o bastón de mando en 2015 a seis. O BNG sobe de un a dous edís e Ciudadanos estréase en María Pita cunha acta.