Un autobús escolar sae da vía en Amoeiro por causa do xeo sen deixar feridos
13 persoas saíron ilesas despois de que se rexistrase unha saída de vía dun autobús escolar na localidade de Amoeiro (comarca de Ourense). Tal como informou a Garda Civil de Ourense, os feitos ocorreron pouco antes das 9 horas desta terza feira e o suceso produciuse como consecuencia do xeo que había na calzada. Foi unha traballadora da compañía a que alertou ao 112 Galiza do accidente. No bus viaxaban 11 menores, o acompañante dos mesmos e a condutora. As trece persoas saíron ilesas do incidente, ocorrido na OU-P-000 que une a OU-0525 con Amoeiro, na parroquia de Abruciños. Até o punto trasladouse o equipo de investigación de sinistros viarios e tamén medios municipais do Concello de Amoeiro, ademais da Garda Civil. Os menores foron trasladados en taxi ao instituto.
Novo accidente laboral: falece un operario de 49 anos nas Neves ao caer dun guindastre
A xustiza reabre o caso do accidente no Marisquiño en 2018 que deixou 350 persoas feridas
Dous menores perden a vida nun accidente de tráfico en Marín
Feridas varias persoas tras unha colisión entre tres vehículos na N-640, en Lugo
Falece unha persoa e outras dúas resultan feridas tras unha colisión entre dous vehículos en Boiro (O Barbanza)
Unha persoa morreu e outras dúas resultaron feridas esta sexta feira após unha colisión entre dous vehículos na AG-11, ao paso polo concello coruñés de Boiro, en sentido Ribeira.
Segundo informou o 112, foi ao fío das 21 horas cando recibiron o aviso dun particular. Con todo, a gravidade da situación pasou inadvertida para as primeiras persoas que deron a voz de alarma. Con todo, instantes despois, recibiron novas informacións que urxiron a intervención dos grupos de emerxencias ao atoparse unha persoa, en estado grave, atrapada dentro dun dos vehículos.
A central de emerxencias solicitou a colaboración dos Bombeiros de Boiro e tamén do 661, pero nada puideron facer por salvar a vida desta persoa. Ademais, outros dous implicados necesitaron asistencia médica e un foi evacuado ao Hospital do Barbanza.
11.700 positivos por alcolemia, 5.000 sancións por usar o móbil e 71 mortos nas estradas no que vai de ano na Galiza
De xaneiro a novembro houbo 7.000 sancións por non usar o cinto.