Os partidos políticos cataláns optaron por esconder na campaña das eleccións municipais calquera referencia ao proceso de independencia. Con todo, o proceso irrompeu na campaña grazas por unha banda a que o sumario sobre o Tsunami deixou de ser secreto e, sobre todo, grazas á importante resolución da ONU sobre os dereitos políticos do presidente Puigdemont, violados por España en 2018.
Cronoloxicamente, primeiro chegou a apertura da famosa peza secreta sobre Tsunami Democràtic. E despois de anos de investigacións resulta que a Garda Civil non atopou nada de nada –tampouco atopou as urnas, así que non é unha gran sorpresa–. Do que xa coñecemos o único que se pode dicir é que non hai caso, que non teñen maneira de implicar penalmente a ninguén. Pero iso non quita que un grupo importante de persoas, como Xavier Vendrell, Oriol Soler ou Josep Alay, tivesen que soportar toda clase de filtracións á prensa ou mesmo detencións a partir desta investigación. Nin co uso de 'Pegasus' coma se fose auga conseguiron nada que poida implicar a ninguén.
Este novo pau internacional profunda o descrédito de España, reforza Puigdemont e carga de razóns o independentismo catalán
E poucas horas despois coñeceuse a resolución do Comité de Dereitos Humanos da ONU que condena o Estado español por violar os dereitos políticos do presidente Puigdemont após as eleccións do 155. Como lembraredes, Martxelo e María, as eleccións do 155 gañounas Ciudadanos con 36 deputados, pero os grupos independentistas tiñan maioría absoluta (34 deputados de Junts, 32 de Esquerra e 4 da CUP), propoñéndose a reelección de Puigdemont polo Parlamento catalán. A reelección, con todo, non se puido facer por diversas razóns, unha das cales foi a retirada do escano de deputado de Puigdemont por parte das autoridades xudiciais españolas. Unha retirada que a ONU, nun ditame duro, cualifica agora de "contraria á esencia democrática".
A ONU condena España a publicitar o ditame e a adoptar en 180 días medidas para que non se poida repetir unha situación coma esta, ao comprobar que España violou o artigo 25 do Pacto Internacional de Dereitos Civís e Políticos.
É evidente que non hai maneira de volver atrás pero este novo pau internacional profunda o descrédito de España, reforza o presidente Puigdemont ante as ameazas de extradición e carga de razóns o independentismo catalán.
