A Xunta anunciou a convocatoria de 1.043 prazas na educación pública ao abeiro do real decreto-lei aprobado polo Goberno, á vez que avanzou a súa intención de sacar un total de 1.606 para sanidade en canto se aproben os orzamentos xerais do estado.
As prazas en Educación serán para 25 especialidades de ensino non universitario: 540 para secundaria, 80 para profesores técnicos de FP, 400 para mestres e 23 para profesores de música e artes escénicas. Os exames comezarán cando remate este curso escolar. Ademais de Galiza, este ano haberá oposicións para educación en Cataluña, o País Vasco, Andalucía, Madrid e as Baleares.
![O buque venezolano 'Canaima', onde viaxaba o biólogo Faustino Riveiro (na imaxe pequena). [Fotos: Vessel Finder | Cedida]](/asset/zoomcrop,480,270,center,center/media/nosdiario/images/2024/05/17/2024051721510233971.jpg)
