O litoral galego rexistrou esta terza feira dous terremotos, un fronte ás Rías Altas e outro fronte ás Rías Baixas.
Un deles, o de maior intensidade, de magnitude 3,1 tivo lugar a uns 80 quilómetros da cidade da Coruña e a 30 quilómetros de profundidade.
Non obstante, segundo indicou o Instituto Xeográfico Nacional o sismo non se sentíu en terra.
Pouco despois, rexistrouse un segundo tremor a 24 quilómetros da localidade do Grove. A súa magnitude foi de 2,1 e tampouco se puido sentir en terra.
Sismo en Covelo
Pola súa parte, en Covelo tamén se rexistrou outro sismo, neste caso de magnitude 2,3 e a pouco máis dun quilómetro de caso urbano da localidade. Con todo, e dado que se produciu a 24 quilómetros de profundidade aproximadamente, case non se puido sentir.
En xaneiro deste ano, na propia localidade de Covelo xa se produciran máis dunha vintena de terremotos que, afortunadamente, non chegaron a producir danos significativos.
