A concentración terá lugar na Praza da Peregrina de Pontevedra e nela a Asociación de Amizade Galego-cubana Francisco Villamil chama a todas as persoas “solidarias con Cuba e defensoras dos dereitos humanos” para saíren en defensa dos cinco presos en EEUU por se ter “infiltrado en grupos terroristas de Miami, que asasinaron a 3.478 cidadáns da Illa desde 1959”. A mobilización convócase co lema é “Cuba ten dereito a vivir en paz”.
Despois da concentración, a Francisco Villamil organiza un xantar de confraternidade no centro social á Revira no que tamén participará o Cónsul Xeral de Cuba ademais dunha delegación da asociación portuguesa Porto Com Cuba. Para se anotar compre comunicalo no correo [email protected]. A partires das 22 horas a Associaciçom Cultural Revira prepara unha festa cubana.