O BNG explica os eixos do cambio político na Galiza no seu vídeo de Nadal

O tradicional vídeo de Nadal do BNG xa está nas redes sociais da formación. Nesta ocasión, aposta por un cambio político no Goberno galego liderado por Ana Pontón.

Ana Pontón en rolda de prensa. (Foto: Europa Press)
photo_camera Ana Pontón en rolda de prensa. (Foto: Europa Press)

O BNG acaba de subir as súas redes sociais un audiovisual para parabenizar o Nadal aos galegos e galegas, nun contexto marcado pola convocatoria dos comicios para 18 de febreiro.

O traballado, rodado en Santiago de Compostela, conta coa participación das actrices galegas Loaira Sánchez, Rubén Prieto e Beatriz Campos.

O vídeo aposta por Ana Pontón como futura presidente da Galiza tras as vindeiras eleccións. Nesta sentido, vincula o cambio político a unha mellora nas condicións de vida dos galegos e galegas.

O audiovisual arranca neste Nadal cunha parella conversando sobre o proceso electoral que se aveciña, debaténdose entre o escepticismo e as posibilidades de abrir un tempo novo apostando polo cambio

A narración proxéctase ao futuro, ao Nadal de 2024, nunha Galiza que xa nota unha transformación como consecuencia das medidas adoptadas por un novo Goberno galego liderado por Ana Pontón.

As consecuencias do cambio

A formación nacionalista vincula as mudanzas ligadas a un cambio de Goberno na Galiza a melloras na atención sanitaria, no acceso á vivenda, no coidado ao maiores e no retorno ao país dos máis de 400.000 persoas emigradas na última década.

O vídeo remata cunha breve intervención da candidata de Ana Pontón convidando a confiar e a mirar o futuro con optimismo.

Máis en POLÍTICA
Comentarios