"A Constitución ampara, garante e protexe dereitos que leis aprobadas por gobernos socialistas contribuíron a desenvolver e universalizar no noso país e que foron citados polo monarca, como a igualdade ou o acceso á sanidade, a educación e á vivenda", asegurou esta segunda feira Valentín González Formoso.
Tamén sostén que os socialistas coinciden co rei "na súa apelación ao respecto e lealdade entre institucións para evitar que o xerme da discordia instálese entre nós". "As institucións que nos representan a todos e todas non só deben cumprir o rol que encomendaron, senón respectar ao resto no seu labor", sostén Formoso, que, por outra parte, insta a Xunta da Galiza a "abandonar a política de confrontación".
Ademais, o dirixente socialista argumenta que "pór en dúbida a lexitimidade das institucións; sementar a crispación, a división e o enfrontamento, mesmo con graves descualificacións persoais, como vemos con demasiada frecuencia no ámbito político (da dereita e a ultradereita) nos últimos tempos, é prexudicial para a sociedade e para democracia do noso país".