O presidente do PP a nivel estatal e —polo de agora— da Xunta da Galiza, Alberto Núñez Feixoo, prevé activar "inmediatamente" o proceso de sucesión á fronte do Goberno galego, o que supón dimitir e comunicar a súa decisión ante o Parlamento, para que haxa un novo presidente "a finais da primeira quincena de maio".
A preguntas dos medios tras reunirse co CEO da compañía portuguesa Altri, José Soares de Pina, no seu despacho en San Caetano, Feixoo non puxo unha data concreta para formalizar a súa dimisión, mais si avanzou que prevé comunicala "primeiro ao Parlamento" e despois "á sociedade galega". "Espero que o mesmo día", precisou.
Neste contexto, Feixoo confirmou que está "na recta finalísima" para activar a súa sucesión e que Alfonso Rueda remate ocupando o seu posto. "Espero que a finais da primeira quincena de maio podamos ter xa un novo presidente", confirmou.
[En ampliación]