O deputado do PSOE por Teruel Herminio Rufino Sancho Íñiguez protagonizou esta cuarta feira a anécdota da segunda sesión do debate de investidura do candidato do PP á Presidencia do Goberno español, Alberto Núñez Feixoo, logo de apoiar a viva voz que o líder popular fose elixido. Un voto erróneo, porén, que corrixiu deseguido.
O socialista turolense dixo claramente 'si' despois de que a secretaria segunda da Mesa do Congreso, a tamén socialista Isaura Leal, protagonizase outro erro ao pronunciar mal o primeiro apelido do deputado, pois no canto de 'Sancho' dixo 'Sánchez'. Aínda así, Sancho Íñiguez ergueuse e manifestou un voto afirmativo, o que provocou o balbordo na bancada do PSOE.
A propia Isaura Leal decatouse ao momento de que o deputado votara 'si' a pesar de que a orde do partido era rexeitar a investidura do líder do PP. "Si, non, perdón?", dixo a secretaria da Mesa, visibelmente contrariada, mentres Sancho, que xa sentara no seu escano, volvía incorporarse e facía diferentes xestos coas mans desde o seu escano pedíndolle que agardase.
#EnDirecto | El diputado del PSOE Herminio Rufino Sancho Íñiguez vota por error a favor de la investidura de Feijóo y el voto es corregido después: "Perdón, he pronunciado mal su apellido" https://t.co/DnyFHUPrd4 pic.twitter.com/JKEGBcq418
— Europa Press (@europapress) September 27, 2023
O deputado aclaroulle a berros que ela dixera mal o seu apelido —'Sánchez' no canto de 'Sancho'—, tras o que Leal pediu desculpas e despois Sancho, cunha risa nerviosa, rectificou e votou 'non'. O episodio foi recibido entre gargalladas no salón de plenos malia o momento inicial de incerteza e tensión ante a posibilidade de que fose un episodio de 'transfuguismo', pero despois a votación continuou con normalidade.
Posteriormente, en declaracións aos medios unha vez concluída a votación, o parlamentario socialista tentou xustificar o erro alegando que o 'si' era a confirmación de que o seu apelido, Sancho, estaba finalmente ben pronunciado, e que o 'non' era a Feixoo:
—O meu apelido é Sancho, en honor á miña familia.
—E que quería dicir con ese 'si'?
—Sancho, si, non.
—Como?
—Eu son Sancho, si, non Sánchez. Dixen 'Sancho, si', e logo 'non' [á investidura de Feixoo].
"Soy Sancho, no Sánchez. Sancho sí, mi apellido es Sancho"
— Europa Press (@europapress) September 27, 2023
"¿Y que quería decir entonces con ese 'sí'?"
"Sancho sí, no. Como que sí soy Sancho, no Sánchez"
El diputado del PSOE Herminio Rufino Sancho explica por qué se ha equivocado en la votación https://t.co/KwITtchHxt pic.twitter.com/tv81Xzp9Y3
