O Goberno dos Estados Unidos anunciou nas últimas horas a mobilización dunha forza naval militar nas augas internacionais do Caribe e do Pacífico oriental, nomeadamente fronte ás costas de Venezuela co fin de levar a cabo operacións na loita contra o narcotráfico.
"Non podemos permitir que os carteis da droga exploten a pandemia para pór en risco vidas estadounidenses", dixo Donald Trump na Casa Branca rodeado pola plana maior do seu Executivo, antes de ofrecer a súa habitual conferencia de prensa sobre a situación da crise do coronavirus.
Cartels, criminals, and other malign actors may try to exploit this time of crisis to threaten Americans.
— The White House (@WhiteHouse) April 1, 2020
President @realDonaldTrump won’t let that happen. pic.twitter.com/Zyvbf8msNE
A acción chega poucos días despois de que o Departamento de Xustiza dos EUA acusase o presidente de Venezuela, Nicolás Maduro, e outros altos dirixentes do Goberno venezolano de tráfico de drogas e outros delitos.
Pouco despois do anuncio, o vicepresidente de Venezuela, Jorge Rodríguez, dixo que era "un intento de desviar a atención" sobre o que está a ocorrer nos EUA coa crise sanitaria da COVID-19. Nesta mesma liña se pronunciou horas despois Maduro: "Trump tratou de desviar a atención da crise humanitaria de saúde que teñen, falando de Venezuela".
#COMUNICADO | Venezuela repudia las infamias proferidas por el gabinete de seguridad de Trump contra el Gobierno Bolivariano.Sin embargo,saluda que al fin EEUU tome acciones para controlar sus vulnerables y descuidadas fronteras de la droga proveniente del narcotráfico colombiano pic.twitter.com/SNGRAXaWq5
— Jorge Arreaza M (@jaarreaza) April 1, 2020
O Goberno venezolano publicou un comunicado onde "repudia enerxicamente as declaracións feitas por Donald Trump, o seu secretario de Defensa, o seu fiscal xeral e outros funcionarios do seu equipo de seguridade, quen nun intento desesperado por desviar a atención da tráxica crise humanitaria que experimenta ese país como consecuencia do errático manexo das súas autoridades ante a COVID-19, pretenden agredir a Venezuela con infamias e ameazas".
Pola súa banda, a oficina do autodesignado presidente de Venezuela e líder da oposición, Juan Guaidó, emitiu un comunicado felicitándose polo anuncio de Washington, que cualificou "como unha acción positiva para frear as redes narcoterroristas que impulsou o réxime de Nicolás Maduro".