Accidente grave na mina de potasa de Súria (Bages, Barcelona), onde esta quinta feira quedaron tres mineiros gravemente feridos, que quedaron atrapados a uns 900 metros de profundidade. Os Mossos d'Esquadra recibiron un aviso á primeira hora da mañá da empresa ICL Iberia Súria&Sallent por mor dun desprendemento nas galerías.
Fontes de ICL explicaron a VilaWeb que as brigadas de salvamento estaban contra as 10 horas no interior da mina xestionando o operativo de rescate. "É moi complexo o que hai abaixo", comentan. O Sistema de Emerxencias Médicas (SEM) enviou dúas unidades terrestres, dous helicópteros medicalizados e o equipo de psicólogos fronte á gravidade do accidente.
O Sistema de Emerxencias Médicas (SEM) enviou tres unidades terrestres, dous helicópteros medicalizados e o equipo de psicólogos debido á gravidade do accidente. A mina ten un longo historial de sinistralidade laboral, cunha vintena de mortes desde os anos 90.
Segundo vén de confirmar o reitor da Universitat Politècnica de Catalunya, Daniel Crespo, dous dos operarios eran estudantes de máster no centro de ensino desta universidade en Manresa. A terceira vítima é un xeólogo.
O xornal La Vanguardia, que confirma o pasamento destas tres persoas, apunta que os operarios estaban a realizar labores de prospección no interior da mina para seguir avanzando.
"Estamos a traballar desde os servizos de emerxencias dando apoio aos servizos da propia empresa, que tamén están a actuar neste tráxico accidente", dixo o president catalán, Pere Aragonés, após coñecer o sucedido.
