Fogo cruzado entre Israel e Suráfrica na Corte Internacional de Xustiza

En decembro de 2023, Suráfrica presentou ante a Corte Internacional de Xustiza unha acusación de xenocidio contra Israel por mor das súas actuacións en Gaza contra o pobo palestino. Meses despois, a contenda nos tribunais segue en medio de acusacións cruzadas. No caso Suráfrica contra Israel, o pasado 17 de maio tivo lugar unha nova sesión de audiencia na Haia, onde a Corte Internacional de Xustiza (CIX) das Nacións Unidas ten a súa sede. Un dos puntos máis relevantes neste momento para a ofensiva militar israelí é a cidade palestina de Rafah, no sur de Gaza. Mentres que Suráfrica defende que a resistencia de Rafah é clave para a supervivencia do pobo palestino, Israel nega estas afirmacións ante a Corte e rebate dicindo que Suráfrica procura pór fin á súa campaña cunha "distorsión da realidade". Israel ante a xustiza Israel desminte dende o primeiro momento as acusacións de xenocidio, afirmando que non teñen razón de ser e que, ademais, son "obscenas" e "moralmente repugnantes". Defende que a campaña en Rafah é, de feito, a única forma en que os palestinos poderán ser finalmente libres de Hamas. A clave para que unha serie de actuacións poidan ser condenadas coma actos de xenocidio está na intencionalidade Sudáfrica levou o caso ante a CIX alegando que Israel estaba a violar as obrigacións derivadas da Convención para a Prevención e Sanción do Delito de Xenocidio, polas súas actuacións contra os palestinos na franxa de Gaza. O ministerio de Asuntos Exteriores israelí chegou a chamar ao goberno surafricano "o brazo legal de Hamas" pola súa actuación. O 26 de xaneiro, a CIX anunciou unha serie de medidas provisionais co obxectivo de previr calquera actuación que fose en contra do estipulado pola Convención sobre o Xenocidio, ao tempo que urxía a tomar accións de cara á provisión de servizos básicos e asistencia humanitaria para aliviar as condicións da poboación en Gaza. No mes de abril, un total de 600 letrados británicos dirixiron unha carta ao primeiro ministro Rishi Sunak na que solicitaban a suspensión da venta de armamento a Israel, ante o "plausible risco de xenocidio" detectado pola CIX. Este documento foi contra-argumentado por 1.300 membros da asociación Avogados Británicos por Israel. Na súa última remisión ante a CIX, Suráfrica solicitou tamén que Israel permita o acceso sen restricións da axuda humanitaria, periodistas e investigadores á Faixa de Gaza. A clave para que unha serie de actuacións poidan ser condenadas coma actos de xenocidio está na intencionalidade: é preciso probar que existía unha intención tras dos feitos. A este respecto, poderían ser significativas declaracións coma a do Secretario Xeral da Axencia das Nacións Unidas para a poboación refuxiada de Palestina (Unrwa), quen afirmou que a crisis en Gaza estaba caracterizada por un uso xeneralizado de "linguaxe que deshumaniza" aos palestinos. A propósito da Unrwa, Israel acusou varios membros desta axencia de teren participado coma cómplices nos atentados do 7 de outubro de 2023, feito que deu lugar ao conflito que se está a vivir en Gaza na actualidade. Crimes de guerra É preciso notar que recentemente a Fiscalía da Corte Penal Internacional achou que era posible atribuír responsabilidade penal por crimes de guerra a certas figuras clave do conflito, entre as que se atoparían Yahya Sinwar –líder do grupo Hamas en Gaza– e Benjamin Netanyahu –primeiro ministro de Israel– entre outros líderes de ambos bandos. Ademais de Israel e Sudáfrica, o caso non podía senón implicar outros Estados pola súa grave polémica e a repercusión dos medios a nivel internacional. Alemaña chegou a ofrecerse para intervir en favor de Israel, o que lle serviu non só a condena de Namibia: tamén unha acusación ante a CIX. Nesta ocasión, é Nicaragua quen acusa Alemaña de apoiar Israel a través da venda de armamento e a retirada de financiamento para organizacións de axuda humanitaria. Alemaña declarou que Israel non rompera "nin a Convención contra o Xenocidio nin o dereito internacional humanitario". Os procesos xudiciais no ámbito internacional adoitan ser longos; de feito, non se espera que a Corte Internacional de Xustiza emita un veredicto ata dentro de varios anos. Os acontecementos do 7 de outubro deixaron unha conta de 1.200 mortos e 252 reféns. Algunhas fontes calculan que o número de persoas asasinadas por Israel en Gaza supera as 35.000.