Rusia e os EUA chegaron a un acordo para intercambiar a estrela do baloncesto da WNB, Brittney Griner por Viktor Bout, coñecido como "o comerciante da morte" a o que os EUA acusan de ser "traficante de armas" mentres que Rusia o cualifica de "empresario",
Griner está "a salvo" e volve á casa, segundo declarou o presidente dos Estados Unidos, Joe Biden, nas súas redes sociais, onde confirmou que puido falar con ela tras a súa liberación.
Moments ago I spoke to Brittney Griner.
She is safe.
She is on a plane.
She is on her way home. pic.twitter.com/FmHgfzrcDT— President Biden (@POTUS) December 8, 2022![Publicidade 195634]()
A xogadora fora detida en febreiro no aeroporto de Moscova, tras atoparen as autoridades aceite de cannabis na súa equipaxe.
Posteriormente foi acusada de posesión e tráfico de drogas e condenada a nove anos de prisión. Hai un mes anunciouse que estaba a ser trasladada a unha colonia penal rusa.
Liberación
Coincidindo cos primeiros 100 días desde a súa detención, a principios de xuño, a WNBA amosoulle o seu apoio a Griner e pediu a súa liberación. Un obxectivo tamén para o Goberno dos EUA.
A finais de xullo, o secretario de Estado estadounidense, Antony Blinken, anunciou unha "oferta substancial" ao Goberno ruso para a liberación de Griner, un intercambio no que a Casa Branca lle ofreceu a Bout a cambio da deportista.
O Kremlin reaccionou pedindo discrecionalidade e rexeitando un acordo, polo momento.
Agora, vén de confirmarse o intercambio de Griner por Viktor Bout, que cumpría 25 anos de prisións nos EUA.
