"Uribe está detrás dun plano para me asasinar. Uribe é un asasino", afirmou o presidente de Venezuela, aínda non recoñecido polos EUA. O líder do Partido Socialista Unido de Venezuela acusa o ex-presidente colombiano de estar conspirando con sectores da direita para o liquidar fisicamente. "Pensan que me quitan do medio virá o caos, virá a anarquía".
A tensión de Venezuela con Colombia é permanente desde o triunfo da revolución bolivariana. Uribe dirixiu un goberno que é o principal aliado dos EUA na rexión. Grazas ao apoio militar norteamericano, o Estado colombiano ten impedido a vitoria militar da guerrilla das FARC, que aínda así dominan boa parte do país.
Bogotá ten acusado en múltiples ocasións a Caracas de financiar as FARC.
