A Xunta da Galiza vén de outorgar a autorización administrativa previa e de construción para tres parques eólicos de Greenalia, que xa superaran o trámite ambiental. Un deles, Carballal, sitúase na Pastoriza (Terra Chá); outro, As Louseiras, entre A Pastoriza e Meira (Terra Chá e Meira), e un terceiro, Monteiro, entre os municipios de Becerreá, Baralla e Baleira (Os Ancares e A Fonsagrada).
Así, o parque denominado Monteiro, que abarca os tres municipios antes citados, será o de maior extensión destes tres, xa que contará con cinco aeroxeradores e terá unha potencia de 33 megawatts, cun orzamento de máis de 25 millóns de euros.
Pola súa parte, o parque eólico As Louseiras contará con case 20 megawatts de potencia a través de tres aeroxeradores. Neste caso Greenalia prevé un investimento de máis de 16 millóns de euros.
Por último, o parque Carballal contará con tres aeroxeradores, cunha potencia de 18,75 megawatts. O investimento previsto é de 16 millóns de euros neste caso.
