“O que parece é que Navantia trata de enfrontar os traballadores de cara ao novo plan”, engaden. Segundo expón a CIG nun comunicado remitido aos medios de comunicación, a dirección de Navantia proponlles aos empregados de Maessa o cambio de profesión en apenas catro días. “A seccións que están a medio desmantelar polas últimas decisións de traslados”, di. Os despedimentos producen retrasos no corte de chapa, realizado por operarios de Navantia.
Para a CIG, esta “desorganización” está a provocar “retrasos considerábeis” debido a “cambios erráticos nos sistemas informáticos”. “Puxéronse en marcha novas incorporacións con toda premura e métodos opacos na parte de enxeñaría, mais non no resto da compañía”, explica o sindicato, que ve detrás destes sucesos unha estratexia “para propiciar a externalización do corte de chapa fóra da comarca”.
“O que se ve con esta situación é a precariedade dos traballadores e traballadoras da industria auxiliar”, conclúe a CIG, “e a despreocupación ao respecto de Navantia, que ten a sede en Madrid e non lle importa despedir a sexta feira para contratar a semana que vén”.