O Lugo volveu perder esta pasada fin de semana, nesta ocasión ante o Vilarreal B (1-2).
A derrota, e con ela xa van 13 en 24 partidos, fai da permanencia albivemella unha proeza que mesmo desafiaría as matemáticas.
Porque, sen contar a actual, nas súas 11 tempadas de traxectoria na categoría de prata nunca tivo que salvar a categoría afrontando un escenario tan negativo no último terzo de competición.
O espello no que mirarse para lograr a salvación é o do Córdoba da campaña 2017/18
De feito, desde que o Lugo subira na 2012/13 tan só un conxunto na súa situación actual foi quen de lograr a permanencia.
Ese espello no que deben mirarse os xogadores albivermellos é o do Córdoba da campaña 2017/18.
Por aquel entón, os califas levaban só 19 puntos logo das 24 primeiras xornadas, pero tras perder tamén na 25 e na 26 a directiva decidiu confiarlle a dirección do equipo a José Ramón Sandoval, que comandou unha remontada na que se fixo con 32 dos últimos 48 puntos en xogo para rematar a Liga na décimo sexta posición