Este sábado 21 de outubro, o recinto de Expourense ecoará ao compás do mellor pop rock alternativo na segunda edición do Our Fest. A gran apertura estará a cargo de Melenas ás 17 horas, cunha frescura indie que dará inicio a un percorrido sonoro cheo de vitalidade, presentando o seu último disco recentemente publicado, Ahora.
Ás 18.30 horas, Kula Shaker tomarán o escenario, transportando ao público a unha era dourada de psicodelia cun son único e vibrante. Unha viaxe sonora que anticipa a intensidade que seguirá con Shame ás 20.15 horas. Esta banda, co seu último lanzamento, Food for Worms, consolidouse como un referente do post-punk, desafiando fronteiras que espertará a euforia dos alí presentes.
Baxter Dury, o mestre da narrativa ecléctica, farase presente ás 21.45 horas, ofrecendo un respiro introspectivo coa súa música enxeñosa e singular. Xa ás ás 23.15 horas, Suede tomarán o escenario co seu distintivo son britpop, caracterizado polas súas letras poéticas e unha mestura única de elegancia melódica e actitude rockeira. Cunha traxectoria que marcou unha época, a banda presentará os seus clásicos atemporales mergullando ao público en paisaxes emocionais.
Como epílogo apaixonado, Grande Amore pechará a segunda edición de Our Fest ás 01 horas presentando tamén novo disco, II, nun directo que fusionará pop lírico e enerxía contaxiosa para mergullar ao público nun torrente de emocións. A proposta complementarase coas sesións de Cheries Djs e Clangor Dj ao longo da xornada.
