CULTURA
Imaxes e pensamento en movemento
As persoas gañadoras do Festival Internacional de Cinema da Coruña, o Intersección, foron anunciados durante a Cerimonia Final decorrida durante a noite do sábado no Teatro Colón con David Fidalgo como mestre de cerimonias e con Garrido Pombo poñendo o broche musical a unha noite na que se outorgaron máis de 10.000 euros en premios.
Ao longo da semana, o público puido gozar de máis de medio centenar de actividades con máis de 150 proxeccións de artistas procedentes de 30 Estados como a China, o Xapón, os Estados Unidos, Canadá, Francia, Alemaña, Israel, Malaisia ou a Arxentina.
Os datos de votación do público reflicten o éxito da programación deste ano na que convivían obras que pasaron por festivais internacionais como Cannes, Berlín ou Venecia con outras obras de cineastas menos coñecidos.
Desde a organización destacan o éxito desta edición na que, a falta dunha valoración final, prevese un récord de asistencia. "O público local foise fidelizando ano tras ano sumando novos espectadores en cada edición. Ademais, a presenza de cineastas e profesionais internacionais que nos visitan durante estes días tamén segue aumentando. Intersección supón unha oportunidade única para que os cinéfilos máis inconformistas se atopen na Coruña".
Palmares Intersección 2023
O premio do xurado recaeu sobre Eduardo Williams con O auxe do humano 3, cunha remuneración de 2.000 euros. A mención especial do xurado foi para Irati Gorostidi por Contadores. Pola súa parte, o premio do xurado á mellor curta estatal foi recibido por Arturo Franco por O custodio, cun retribución de 1000 euros e unha candidatura directa para os Premios Goya. Ademais, a mención especial do xurado na modalidade de curtas recibiuna Iván Argote por Levitate.
Na sección da Galiza, o premio do xurado foi para Xacio Baño por Non te vexo, cunha remuneración de 1000 euros. A mención especial do xurado recaeu sobre Andrea Zapata por Ruovesi. A segunda mención especial do xurado recibiuna Santos Díaz por Din que non falan. Mentres que o premio contemporánea obtívoo Ariadna Silva por Friccións, que gaña tamén a exposición da obra seleccionada nas galerías da Asociación Contemporánea. Na sección escolas, o premio do xurado foi para Arturo Aguilar por Non tocar, cunha remuneración de 350 euros.
Na sección de premios transversais, o premiou xurado novo recaeu sobre Enar de Dios por Ecotone. O premio do público, tanto a nivel internacional como galego, recibiuno Inés García por Eurydice. O premio Numax, a nivel galego, foi para Xacio Baño por Non te vexo. O premio MAV recolleuno Andrea Costas por Materia escura (2 anos). Finalmente, na sección LAB, o premio Intersección LAV corte final recaeu en Marina Palacio por E se seguisen as cousas, cunha retribución de 6.000 euros. Mentres que o premio Sonido Cenimar Films foi para Carlos Casas por Krakatoa, que ademais inclúe unha semana de servizos de mestura de son 5.1.
