A iniciativa parte da asociación cultural Pena do Corvo de Codeso. A casa é o actual restaurante Balado de Codeso e rexéntao unha sobriña do autor de Dos anxos e dos mortos (1977).
A homenaxe coincide coas xornadas que sobre a súa obra convocou a asociación cultural Barbantia -Rei Ballesteros (Codeso, Boqueixón, 1952 – A Coruña, 2008) residiu en Pobra do Caramiñal- e con diversas voces que comezan a reclamar o Día das Letras Galegas para un dos novelistas máis dotados da súa xeración.
