A quinta feira 30 de novembro, a partir das 20.30 horas no salón de actos do Cenima de Foz, Rivas ofrecerá un recital de poemas. Aínda que a súa obra narrativa é a que lle deu máis sona, a súa carreira comezou na poesía, xénero que continúa practicando. O último mangado de poemas que publicou en libro foi A boca da terra (2015). Ningún cisne (1989), Costa da Morte Blues (1995) -reunidos xunto ao resto da súa obra ate o 2003 en Do descoñecido ao descoñecido- ou A desparición da neve (2009) son outros dos seus títulos poéticos.
Esa mesma xornada tamén estará Miriam Ferradáns (Bueu, 1982) pechará a Festa da Palabra a quinta feira, 30 de novembro. Gañadora de importantes premios literarios, publicou as súas primeiras obras neste ano: Deshabitar unha casa (premio Francisco Añón) e Nomes de fume (premio Pérez Pallaré e con cuberta do artista mariñao Daniel Caxigueiro). Consolídase así como unha das voces máis activas na renovación última da poesía galega.
O cilclo inciarase a cuarta feria, 29 de novembro, co poeta Daniel Salgado (Monterroso, 1981). Autor de numerosos libros -por exemplo Éxodo (2006), Dos tempos sombrizos (2013) ou ensaios (2015)-, a súa obra sucede onde se cruzan historia e linguaxe. Aparece recollida en varias antoloxías. Será ,as 20:30 horas no salón de exposicións do Cenima.
