Unha vintena de empresas vinculadas ao coidado persoal crean a Asociación Cosmética Galega

Máis dunha vintena de empresas vinculadas ao deseño e creación de produtos de coidado persoal, que utilizan principalmente produtos naturais da Galiza, impulsaron a creación da Asociación Cosmética Galega (ACG). A nova entidade, constituída no BioPolo da Sionlla, en Compostela, nace co obxectivo de "xuntar intereses para compartir coñecemento, experiencia, ferramentas e custos", e reúne firmas galegas con intereses e necesidades comúns. Así, as empresas socias fundadoras son Ip10, Chorima, Piel Natura, Blue Silk, Nüür, Naturavia, Amalgama, Nela Biosense, Siolaz, Orixe Cosmetics, Muuhlloa, Rizzola, Segolab Saúde, Alloa, Maruxiña, Pazo Gil Casares, Anainas, De Lú, Acemelia, Esencia Viva, Ozoaqua e Luxor Essentia.