Celtistas denuncian a requisa de bandeiras de Palestina en Balaídos por parte dunha "cínica" Liga

O colectivo celtista Nós denuncia a requisa de bandeiras de Palestina no último partido do Celta en Balaídos, o do pasado domingo ante o Xetafe (2-2), por parte da Liga que preside Javier Tebas. "A mesma cínica e hipócrita Liga que apoia outras bandeiras nos marcadores das retransmisións deportivas, ordenou á Policía que se requisasen bandieras palestinas a moitas celtistas", censura a agrupación, nun comunicado no que reivindica tamén "esa parte do celtismo sempre solidario que quería amosar o apoio a un pobo que leva décadas masacrado e expulsado do seu propio territorio". "Non foi un protocolo de seguridade, foi un protocolo de represión e mordaza prohibindo bandeiras que son totalmente legais", conclúen.