Extinguido o incendio forestal de Cabanas (Eume), que afectou 2,4 hectáreas

A Consellaría do Medio Rural informou de que foi extinguido o incendio forestal que permanecía activo no municipio de Cabanas (Eume) e que afectou 2,4 hectáreas de superficie dentro do Parque Natural Fragas do Eume. O lume iniciouse pouco despois das 13 horas deste pasado domingo e sobre as 20horas deuse por finalizado, afectando perto de 2,4 hectáreas. En total, mobilizáronse para a súa extinción un técnico, catro axentes, 11 brigadas, cinco motobombas, dous avións e tres helicópteros.