Estabilizado un incendio forestal en Castro Caldelas após calcinar tres hectáreas

A Consellaría do Medio Rural deu por estabilizado o incendio forestal que se iniciou esta segunda feira, ás 17.54 horas, na parroquia de Tronceda, no municipio de Castro Caldelas. Segundo fontes da Consellaría, o incendio, que quedou estabilizado ás 00.50 horas, calcinou tres hectáreas de, entre outras cousas, matogueira e piñeiro. Para o operativo de extinción mobilizouse un técnico, seis axentes, 14 brigadas, oito motobombas, unha pa, catro avións e catro helicópteros.