A Xunta Electoral garante o envío de 'kits' para votar en braille

A Xunta Electoral Central accedeu á solicitude da Dirección Xeral de Dereitos das Persoas con Discapacidade de que se fagan chegar a todos os territorios do Estado os kits de voto accesíbel para persoas con discapacidade visual. Estes kits deben chegar aos domicilios das persoas solicitantes con motivo das eleccións municipais do próximo 28 de maio, pois serán indispensábeis para que poidan exercer axeitadamente o seu dereito ao voto.