O Celta ultima a incorporación do arxentino Tadeo Allende

O Celta volverá pescar nun dos seus caladoiros predilectos dos últimos tempos, a Arxentina, para tratar de solucionar os seus problemas de cara á portería contraria. Seguindo os pasos de homes como Joaquín Larrivey, Tadeo Allende xa está en Vigo, onde esta mesma quinta feira podería estar ás ordes de Rafa Benítez no adestramento celeste. Allende, que conta con 23 anos de idade, procede do Godoy Cruz, que recibirá entre catro e cinco millóns de euros polo traspaso dun polivalente futbolista que pode actuar como dianteiro centro ou como extremo. O seu impacto na competición arxentina foi tal que o mesmísimo Carlos Tévez escolleuno como un dos tres xogadores "máis diferenciais" do torneo.