O Celta despréndese de Carreira e Paciência mentres agarda polas últimas fichaxes

Feche frenético deste mercado de fichaxes estival. O Real Club Celta chegou á derradeira xornada con demasiados deberes pendentes e, a falta de tres horas para o remate, aínda non foi confirmada ningunha das fichaxes que xa se daban por feitas, nomeadamente as chegadas do porteiro Vicente Guaita e o lateral esquerdo Mihailo Ristic, quen xa foi visto hoxe na sede celtiña. O que si é oficial é a saída, en calidade de cedidos, de Sergio Carreira e Gonçalo Paciência, ao Elche o primeiro —con opción de compra— e ao Bochum alemán o segundo.