Andrés Cortabitarte

As vítimas do Alvia ven os poderes do Estado detrás da exculpación pola Fiscalía do ex responsábel de Adif, Andrés Cortabitarte, a quen, ao tempo, o propio fiscal considera "sen ningunha dúbida" responsábel da desconexión do sistema de seguridade do tren sinistrado na curva compostelá de Angrois.

O xuízo do accidente do Alvia de xullo de 2013 en Angrois (Compostela) deu esta terza feira un xiro de 180 graos ao considerar o fiscal que non observa infracción na actuación do ex responsábel de Seguridade do Adif, Andrés Cortabitarte. A nova posición foi criticada polas vítimas, que aluden a unha manobra do Estado.