10-N

Despois dunha fin de semana intensa con actos nas circunscricións de Lugo, Ourense e Pontevedra, o BNG levou de novo á súa portavoz nacional á circunscrición na que se está a xogar un escano no Congreso. Ana Pontón acompañou Néstor Rego esta segunda feira en Ferrol, unha praza na que o BNG volve sentirse forte da man de Iván Rivas e na que confía en superar os 1.800 votos de abril (en maio, nas municipais, sumou 2.500).

"España non aguanta máis incerteza nin equivocacións", dixo o presidente do PPdeG, Núñez Feixoo, nun acto con empresarias e empresarios en Pontevedra no que tamén pediu unir voto no Partido Popular para que se recuperen os compromisos con Galiza.

Un membro do BNG de Ourense denuncia ante a Xunta electoral de zona a pegada de carteis fóra de tempo en A Bola e as bandeiras publicitarias da pasada campaña que se manteñen nunha estrada de Vigo.

A campaña electoral arranca na véspera do Día dos Defuntos. As forzas políticas teñen oito días para pedir o voto antes da cita coas urnas.

O secretario xeral do PP en Galiza, Miguel Tellado, celebrou esta cuarta o xiro cara á "moderación" na campaña do PP no plano estatal. Ao seu xeito de ver, a formación que encabeza Pablo Casado ten "a obriga de ser un partido moderado, de centro e reformista".

Antón Gómez-Reino Varela (A Coruña, 1980) é o secretario xeral de Podemos Galicia e preséntase por cuarta vez como cabeza de lista pola Coruña. Galicia En Común cre ter o escano de Gómez-Reino ben consolidado e non lle preocupa a competencia de Carolina Bescansa nin onde vaian parar os apoios de quen foron ou son os socios parlamentarios de Podemos que non concorren ás eleccións. O candidato avanza unha campaña intensa, coa presencia de Xabier Domènech o sábado en Compostela e de Pablo Iglesias o domingo na Coruña.

O candidato de Ourense, David Bruzos, e a candidata e voceira de Galicia en Común no Congreso, Yolanda Díaz, mantiveron esta segunda feira unha xuntanza con representantes das traballadoras do sector téxtil en Ourense, onde se atopaban con traballadoras de firmas como Adolfo Domínguez, Téxtil Lonia, Aspol ou Autoneum, entre outras.

A portavoz nacional, Ana Pontón, a candidata por Pontevedra, Carme da Silva, e o alcalde, Miguel Anxo Fernández Lores, mantiveron en Pontevedra un encontro cunha ampla representación de empresas galegas de diferentes sectores produtivos.

Marta González Vázquez (Compostela, 1963), doutora en historia, responsábel da política de igualdade no último goberno Fraga e no primeiro goberno Feixoo, deputada en Cortes desde 2011, ex membro da Executiva estatal do PP con Pablo Casado, repite como cabeza de lista pola Coruña o 10-N nuns comicios nos que os populares galegos aspiran a recuperar a hexemonía no país e a cuarta acta pola Coruña.

Olalla Rodil (Ribeira de Piquín, 1989) preséntase por terceira vez a unhas estatais como cabeza de lista do BNG ao Congreso pola circunscrición de Lugo. Deixará o seu escano no Parlamento galego se resulta elixida… e o seu despacho, o último que ocupou Beiras? “As urnas están baleiras. Igual para todas e todos. A nosa candidatura parte coas mesmas posibilidades que calquera outra. Por que non?”, comenta, e de inmediato sinala que o Bloque está en tendencia ascendente e que en Lugo participa do goberno do Concello e da Deputación.

“Se temos a confianza dos e das galegas a partir do 10-N condicionaremos calquera apoio de investidura a que teñamos un prezo xusto da electricidade para salvar as nosas industrias electrointensivas e o emprego en Alcoa, e tamén a que teñamos unha tarifa eléctrica galega que permita a sociedade beneficiarse da riqueza deste país”, proclamou Ana Pontón esta sexta feira.

Luís Villares Naveira (Lugo, 1978) vive os momentos políticos máis delicados da súa curta carreira política. O seu partido, En Marea, acaba de renunciar a competir nas estatais do 10-N. No Parlamento, o propio Villares cedeu o seu papel como antagonista de Feixoo. A menos dun ano das galegas de 2020, conta que no partido están preparando o discurso, que as persoas encargadas de defendelo non son importantes. Dio como aconsella a prudencia, pero sen moita convicción. O futuro está no ar moito máis do que estivo nunca para el.

A líder nacionalista participa na presentación das candidaturas do BNG ao Congreso e ao Senado pola circunscrición da Coruña, onde Néstor Rego volve contar con opcións de lograr un escano como deputado e devolver o Bloque ao Parlamento español.