O galego é um desses povos que nom renuncia a ter um Estado próprio e soberano. Um povo com um movimento soberanista vivo.
Há uns meses fazia a sua apresentaçom pública o Projeto Estreleira, lotando cada recuncho do País com autocolantes da bandeira da pátria, na que sem dúvida foi a campanha mais ampla de difusom da nossa simbologia nacional.
Continuando com a sua atividade, e sob a legenda “Adiante Galiza. Somos umha naçom”, Projeto Estreleira pretende completar os mais de dous quilómetros da Muralha de Lugo com quase um milhar de pessoas a segurarem bandeiras da Pátria. Umha original açom na defesa dos nossos direitos nacionais, coincidindo com o 103 aniversário da I Assembleia Nacionalista, quando sob a organizaçom das Irmandades se iniciava o nacionalismo galego.
Além do mais, o ato também servirá para lembrarmos o centenário da primeira vez que a nossa Bandeira Nacional ondeava num prédio institucional. Foi em 1921, na cidade da Corunha.
A “muralha humana”, que está recolhendo apoios muito diversos no amplo espetro do soberanismo galego, caminha para o sucesso e já estariam cobertos à volta de quilómetro e meio de muralha. Mas é preciso um último esforço coletivo.
Domingo 21 de novembro, independentistas, nacionalistas, soberanistas… chegadas de todas as comarcas do país juntaremo-nos em Lugo para reivindicar os nossos direitos como povo e reafirmarmos o compromisso de construirmos umha Galiza livre e soberana. Com certeza, veremo-nos lá.
