Os homes despedidos por Puertas Betanzos por "coller vacacións" reciben varias ofertas de traballo

Os dous senegales que trataron de auxiliar Samuel Luiz (o mozo asasinado na Coruña en xullo de 2021 tras unha brutal malleira no paseo marítimo) recibiron ofertas de traballo tras o seu recente despedimento.

Así o confirmaron desde a Confederación Intersidical Galega (CIG), sindicato co que se puxeron en contacto os dous homes após o despedimento por parte de Puertas Betanzos, empresa que, no seu momento e tras coñecerse a súa participación no caso de Samuel Luiz, contratounos.

A empresa, segundo se coñeceu nos últimos días, despediu os traballadores por “coller vacacións” o que xerou unha gran polémica.

"Está a haber algunha chamada, máis dunha, ao sindicato para ofertarlles un posto de traballo", indicaron desde a central sindical.

Desde a CIG, incidiron en que os dous homes o que queren é seguir "traballando".

"Queren gañar a vida", engadiron despois de denunciar que a empresa para a que traballaban despediunos por "coller vacacións", algo que desde a mesma negaron.

En concreto, alegaron causas económicas e produtivas e a necesidade de persoal "máis cualificado".

Con todo, desde a CIG, que se ratificaron nas súas denuncias sobre a empresa, aseguran que no carta de despedimento aos dous homes "recoñécese a improcedencia". "Invoca causas económicas, pero non dá ningunha cifra que poida sustentalo".

Tamén alegaron contradicións no relato da mesma sobre as causas do despedimento, mentres que a empresa avanzou que interporá unha demanda xudicial para esixir á CIG unha rectificación.