Un terremoto de magnitude 3,3, segundo a escala de Richter, rexistrouse na tarde desta quinta feira na localidade de Oroso (comarca de Ordes) e deixouse sentir en Santiago de Compostela e outros concellos da contorna como O Pino.
O Instituto Xeográfico Nacional (IXN) informou do movemento sísmico a través da súa páxina web.
Magnitude
Inicialmente trasladou que a magnitude fora do 3,6, aínda que posteriormente corrixiu o cálculo rebaixando a magnitude a 3,3.
O tremor produciuse ás 19.08 horas da tarde en Oroso, segundo se pode observar nos datos publicados. A súa profundidade foi de sete quilómetros, mentres que a latitude sitúase en 42.9844. De feito o sismo puido sentirse na redacción de Nós Diario.
