O PSdeG demanda ao Feixoo un orzamento centrado na "protección social"
Gonzalo Caballero, secretario xeral do PSdeG, demandou hoxe ao presidente da Xunta, Alberto Núñez Feixoo, que "rectifique os recortes" que, segundo o socialista,se acumulan nas políticas sociais na última década.
Desde o seu punto de vista os orzamentos de 2021 debenn ter especial coidado coa "protección das persoas", cuestión na que non se pode ir cara atrás. Así o remarcou após a reunión da súa comisión interparlamentaria para ultimar o arranque do curso político.
Caballero insistiu en que o básico e programar uns gastos "que defendan a protección das persoas fronte á crise sanitaria, económica e social".
"Os socialistas imos estar a carón da cidadanía defendendo políticas sociais que axuden á xente a abordar este tempo tan complexo, de riscos e incertezas", dixo, polo que pediu a Feixoo que a "protección social sexa unha prioridade".
Tres comisións parlamentarias
O socialista reclamou, no mesmo momento, que o PP "non bloquee a actividade parlamentaria" e permita a constitución de tres comisións relacionadas coa crise da Covid-19.
A primeira, segundo explicou, sería unha "comisión de reconstrución" reclamada polos socialistas "e que agora Feijóo di que vai constituír". A segunda, unha para investigar o sucedido nestes meses residencias de maiores que ten "o veto de Feijóo para non aprender do que pasou".
Por último, o terceiro grupo de traballo estaría dedicado ao seguimento da xestión da pandemia.
A crise de goberno en Ourense
O representante do PSdeG aproveitou a intervención ante os medios para insistir en solicitarlle a Feixoo que "non se poña de perfil" ante a crise do Goberno local de Ourense.
"Feixoo ten que explicar o pacto letal que implica un espectáculo bochornoso como non ocorre en ningunha outra cidade de toda España", incidiu Caballero. .
"Por hixiene democrática, por rexeneración política e porque queremos políticas públicas que funcionen en Ourense, Baltar debería estar fóra da presidencia da deputación e Jácome da alcaldía", finalizou.