A área de Seguridade Cidadá do Concello da Coruña prohibiu o baño nos areais de Riazor, Orzán e Matadoiro, na cidade da Coruña.
🚩 AVISO | Seguridade Cidadá notifica a instalación de bandeira vermella e a prohibición de baño nas praias de Riazor, Orzán e o Matadoiro pola presenza de carabelas portuguesas na auga.
— Concello da Coruña (@ConcelloCoruna) August 29, 2023
Prégase seguir as indicacións do equipo de salvamento e socorrismo. pic.twitter.com/isXqVbWgF0
A presenza de carabelas portuguesas na auga obrigou a mudar a cor das bandeiras que ondean nestas tres praias.
Até novo aviso loce o vermello, polo que se veta a entrada á auga dos bañistas.
Os equipos de salvamento e socorrismo dos tres areais afectados guiarán os visitantes. Neste sentido, o Concello da Coruña pide á cidadanía respectar as súas indicacións para evitar picaduras que poden chegar a ser moi molestas.