Unha muller, M.R.P. de 42 anos de idade, faleceu na noite desta pasada terza feira por mor dun incendio rexistrado na súa vivenda, situada no municipio de Ourense.
Segundo fontes do 061 a Central de Coordinación de Urxencias Sanitarias da Galiza recibiu unha alerta da existencia de fogo nun domicilio ourensán,na zona de Quintela.
Até alí desprazouse unha ambulancia de soporte vital básico e outra de soporte vital avanzado para atender a unha muller, que faleceu no punto, a pesar dos esforzos dos profesionais sanitarios.