Marte xa ten o seu 'mapamundi'. A China crea a primiero mapa do planeta a cor da historia

A primeira misión da China en Marte permitiu a equipos científicos do país asiático obter as súas propias imaxes do planeta en cor con múltiples detalles cartográficos.

Varias proxeccións do planeta vermello, incluídas unha de Mercator e as proxeccións ortográficas dos hemisferios este e oeste, foron presentadas esta segunda feira nun evento conxunto da Administración Nacional do Espazo de China (CNSA, polas súas siglas en inglés) e a Academia de Ciencias da China, decorrido na cidade de Hefei.

As 14.757 imaxes base para este traballo foron solicitadas durante oito meses, desde novembro do 2021 até xullo de 2022, polo orbitador Tianwen-1.

O material foi procesado conforme aos estándares de mapeo, cunha resolución espacial de 76 metros por pixel, segundo detalla un comunicado da CNSA.

A misión Tianwen-1 está na órbita marciana desde febreiro de 2021, consta dun satélite, un módulo de aterraxe e o vehículo chamado Zhurong, que aterrou o 15 de maio do mesmo ano na chaira marciana Utopia Planitia e atópase atascado no po desde hai meses.

Outro mapa

A inicios de abril, outro mapa global de Marte foi presentado polo Centro de Ciencias Espaciais da Universidade de Nova York en Abu Dabi (Emiratos Árabes Unidos), grazas ás imaxes captadas polo instrumento Emirates Exploration Imager.

Así mesmo, un laboratorio astronómico do Instituto Tecnolóxico de California (EUA) desenvolveu un mapa interactivo de Marte, Mosaico Global CTX, que mostra en alta resolución os cantís, cráteres de impacto e pegadas dos remuíños atmosféricos.