Coronavirus na Galiza: baixan os casos activos en todas as áreas sanitarias excepto na da Coruña

Os novos contaxios de covid-19 presentan este sábado un pequeno alza, tras a tendencia descendente dos últimos dous días, con 6.695 novos casos, 356 máis que a xornada anterior. Os casos activos, pola súa banda, descenden e sitúanse nos 78.029 -663 menos-, así como os hospitalizados, 551 -nove menos nas últimas 24 horas-. A taxa de positividade sobe lixeiramente até 23,76%.

Segundo os datos actualizados na mañá deste sábado pola Consellería de  Sanidade con rexistros ata as 18 horas de onte, baixan a 49 as persoas ingresadas en UCI pola Covid-19 na Galicia -catro menos-, así como as hospitalizadas noutras unidades, 502, cinco menos.

Por áreas sanitarias, a presión hospitalaria alíviase en seis das sete; só Vigo presenta máis hospitalizados, con 69 pacientes en unidades convencionais –catro máis-, e oito en críticos, un menos.

Así, na da Coruña e Cee baixan a 12 os críticos -un menos-, e mantéñense en 128 os doutras unidades -sen cambios--, mentres que na de Ourense tamén se rexistra un descenso nos ingresados por Covid en planta, que caen a 64 -tres menos--, mentres que aumentan a nove os hospitalizados en UCI, un máis.

A área de Santiago e Barbanza rexistra seis pacientes  Covid en UCI -un menos- e 80 noutras unidades -sen cambios-, mentres que na de Ferrol redúcense a un os críticos -un menos- e a 30 os ingresados noutras unidades, cinco menos.

Pola súa banda, na área de Pontevedra e O Salnés baixan a sete os pacientes Covid en UCI -un menos- e continúan con 81 hospitalizados noutras unidades -sen cambios-, mentres que na de Lugo tampouco notifica cambios en coidados intensivos, onde continúan con seis pacientes, e contan con 50 hospitalizados en planta, un menos.

Menos casos activos

Galiza rexistra un lixeiro descenso nos casos activos, -rompendo a tendencia ascendente dos últimos días- con 78.029 casos, 663 menos nas últimas 24 horas ao haber máis altas (7.353) que contaxios (6.695), ademais de cinco falecementos.

Por áreas sanitarias, os casos activos descenden en todas as áreas menos na da Coruña, que suma 10 casos máis. Entre as que notifican descensos, o máis acusado preséntao o distrito sanitario de Ourense (-270), seguido por Santiago (-245), Ferrol (-88), Vigo (-39), Lugo (-29) e Pontevedra (-2).

Por tanto, con máis casos activos continúa a área sanitaria de Vigo, con 20.860; seguida da Coruña e Cee, con 16.197; Santiago e Barbanza, con 11.850; Pontevedra e O Salnés, con 9.258; Lugo, con 8.020; Ourense, con 7.972; e á cola mantense a de Ferrol, con 3.872.

Segundo os últimos datos actualizados polo Ministerio de Sanidade, a incidencia acumulada a 14 días descende de novo lixeiramente na Galiza a 3.259,07 casos por 100.000 habitantes, fronte aos 3.418,46 de media no resto do Estado, que se incrementa.

Máis contaxios

Os novos contaxios de Covid-19  suben até os 6.695, o que supón 356 máis nas últimas 24 horas, cando se notificaron 6.33. Con todo, están por baixo dos 8.427 detectados hai unha semana, o 14 de xaneiro.

Así, desde o inicio desta pandemia ascenden na Galiza a 371.529 contaxiados por coronavirus, dos que 86.806 corresponden á área de Vigo; 78.468, á da Coruña; 56.216, á de Santiago; 45.732, á de Ourense; 44.094, á de Pontevedra; 38.391, á de Lugo; e 21.822, á de Ferrol.

En todo o país nas últimas 24 horas efectuáronse 6.628  PCR, que elevan a 3.499.436 as realizadas desde o inicio da pandemia; e 9.653 test de  antíxenos, que suman 1.343.775. Entre ambos os tipos constitúen 16.281 probas  diagnósticas.

En canto á taxa de positividade en  PCR --número de infeccións detectadas cada 100 test--, sobe a 23,76% desde o 23,36% da xornada anterior. Por iso, mantense por moi enriba do limiar de 5% que fixa a Organización Mundial da Saúde (OMS) para dar por controlada a pandemia.

Vítimas e curados

Pola súa banda, as persoas falecidas diagnosticadas con Covid-19 desde o inicio desta pandemia en toda Galiza ascenden a 2.873, ao notificar a Consellería de  Sanidade cinco  óbitos.

Mentres, 290.676 persoas diagnosticadas de coronavirus curáronse no país galego desde o comezo desta crise sanitaria, que implican 7.353 máis que as rexistradas até o día pasado.