O PP impediu esta cuarta feira coa súa maioría no Parlamento galego que se aprobase unha proposición non de lei (pnl) presentada polo PSdeG, e que tivo o apoio do BNG, e na que, entre outras cuestións se demandaba da Cámara "rexeitar as represalias ao persoal traballador por parte da Dirección Xeral da CRTVG por defender a súa independencia e a pluralidade dos medios públicos" ou ben "reprobar o actual director xeral da CRTVG polo incumprimento sistemático da Lei 9/2011 de medios públicos de comunicación audiovisual da Galiza".
Para Carmen María Pomar (PP), con esta proposta a oposición o que procura "é substituír o actual director xeral, Sánchez Izquierdo, para por á fronte [da televisión e radio públicas galegas] un propagandista".
Defendeu estes 12 anos de xestión de Sánchez Izquierdo e acusou o PSdeG de traer á Cámara galega este tipo de propostas "agora que se achegan as eleccións".irou de datos de audiencia para defender a actual dirección da CRTVG, lembrando que o seu director xeral, Sánchez Izquierdo, foi "pactado daquela co PSdeG".
291 semanas
Noelia Otero, que defendeu a pnl, lembrou que a Lei de Medios Públicos da Galiza foi aprobada hai 12 anos e malia o tempo transcorrido acumula incumprimentos como a falla dun estatuto profesional ou o Consello de Informativos".
Desde o PSdeG demandouse, sen éxito, "iniciar as negociacións entre os grupos parlamentarios para a renovación da Dirección Xeral, tal e como estabelece a lei".
Pola súa parte, Alexandra Fernández (BNG) lamentou que a CRTVG se convertese "nun medio de propaganda do PP", e lembrou que os 'venres negros' do persoal da compañía para denunciar a manipulación acumula xa 291 semanas.