Xuño vai camiño de marcar récord no encarecemento do prezo da factura da luz, unha cuestión que volve con perioricidade á axenda social e política. Esta cuarta feira foi no Parlamento galego, na sesión de control ao presidente. A portavoz nacionalista Ana Pontón instou o presidente a aclarar se o Goberno galego tiña algunha medida ou proposta a respecto desta escalada na factura eléctrica, “que afecta familias e empresas”, e puxo sobre a mesa o que propón o nacionalismo: unha tarifa eléctrica galega (TEG).
Para Feixoo, a TEG, porén, é un simple “slogan”, como a cualificou na Cámara. O presidente non explicou ningunha medida ou proposta do seu Executivo para paliar esa suba no prezo da luz mais si que se dedicou a deostar a que presentaba o BNG. E non sen antes acusar os nacionalistas de ser responsábeis da suba da factura. “A enerxía aumentou entre o ano en que chegou Zapatero e o que marchou nun 93% e vostedes foron cómplices”, dixo.
Feixoo redobra o ataque ao BNG: “Se por vostedes fose non habería encoros, non habería eólicos” pois o que queren, afirma o presidente da Xunta, é vivir “nun país cun candil”. Podes ler a noticia en: https://t.co/VTbrY7UIfu pic.twitter.com/yTabORm6kh
— Nós Diario (@NosDiario) June 23, 2021
Pontón sinalou que non é entendíbel un país “rico en electricidade” non se beneficie desa situación. Pediu unha tarifa propia para Galiza que permita abaratar o prezo a familias e empresas no noso país. E lembrou que esa tarifa diferenciada existe en non poucos estados: Alemaña, Reino Unido, Dinamarca, Suíza...
“Por que Galiza non pode ter unha tarifa diferenciada? Hai 2 respostas: que as eléctricas mandan máis que os Gobernos e o centralismo”, manifestou a portavoz nacionalista, que insistiu nos custos ambientais e territoriais que paga Galiza (encoros, parques eólicos...) sen que haxa reversión ou beneficios para a poboación.
Mais Feixoo mantívose nas súas: a TEG responde a un “nacionalismo arcaico” e é inviábel. Pontón lembroulle que esa tarifa diferenciada existe en non poucos estados europeos e lamentou que ante un problema que afecta tanta xente como a suba da luz “o presidente se limite a vir aquí a atacar a única proposta que hai”. Entón Feixoo redobrou o ataque ao BNG: “Se por vostedes fose non habería encoros, non habería eólicos” pois o que queren, dixo, é vivir “nun país cun candil”.
Ana Pontón insta o presidente a aclarar se o Goberno galego ten algunha medida ou proposta a respecto da escalada na factura eléctrica, “que afecta familias e empresas”. Contámoscho en: https://t.co/VTbrY7UIfu pic.twitter.com/KgichmTYjh
— Nós Diario (@NosDiario) June 23, 2021
Concellos
A outra cuestión que tivo que responder o presidente na sesión de control foi a formulada por Gonzalo Caballero (PSdeG) e que se centrou nas eivas no financiamento pola Xunta dos concellos.
O socialista acusou Feixoo de “antimunicipalismo” e lamentou que haxa unha ‘discrecionalidade’ no reparto aos concellos. Incidiu en que os municipios van ser claves na reactivación económica e que nestes meses de pandemia tiveron que asumir funcións que non lle correspondían.
“É hora dunha nova política local”, sinalou Gonzalo Caballero, instando a Xunta a non “asfixiar” máis economicamente aos municipios.
Porén, o mandatario galego volveu tirar de repertorio habitual e indicou que quen afoga economicamente os concellos é o Goberno estatal.
Gonzalo Caballero cuestiona as eivas no financiamento dos concellos por parte da Xunta de Galiza e acusa a Feixoo de “antimunicipalismo”. Obtén máis información en: https://t.co/VTbrY7UIfu pic.twitter.com/mouZFh8suI
— Nós Diario (@NosDiario) June 23, 2021