Unha forza independentista de esquerdas gañaría por vez primeira as eleccións ao Parlament

Se as eleccións se fixesen hoxe, por vez primeira na historia de Catalunya Esquerra Republicana gañaría os comicios. Así o asegura o estudo publicado esta sexta feira polo diarior catalán El Periódico e elaborado polo Gabinet d'Estudis Socials i Opinió Pública (GESOP). 

ERC obtería 39-40 representantes --19 máis d@s que posúe actualmente-- entrementres a coalición electoral liderada por Artur Mas perdería a presidencia da Generalitat con só 34-35 ecanos. O panorama político após as eleccións celebradas o pasado 25 de novembro, ficaría segundo os resultados tirados por El Periódico substancialmente distinto. Neste senso, só ICV e Ciutatans conseguirían --xunto con ERC-- gañar apoios. 

Doutra banda, populares e socialist@s perderían unha importante presenza no arco parlamentar. Unha tendencia que se está a re-producir en boa parte dos inquéritos publicados habida conta da crise do tradicional bipartidismo. 

Pola súa banda, as CUP repetirían os resultados obtidos o pasado ano, cando sosprenderon ao conseguir 3 deputad@s.