Médicos e guerrilla: Os sanitarios nas redes de apoio á resistencia antifranquista

Neste traballo preténdese achegar algunha luz sobre a relación de apoio/auxilio sanitario á guerrilla antifranquista e aos seus enlaces que foi facilitado por médicos e practicantes galegos nos anos da posguerra. É unha área de investigación na que é moi difícil conseguir documentación escrita salvo cando deu lugar a detencións ou procesos represivos. Moitos destes sanitarios xa estiveran represaliados dunha ou outra forma durante os anos da guerra e na posguerra polos seus vínculos cos valores e as políticas republicanas.