Xenocidio e limpeza étnica

Máis cedo ou máis tarde, os líderes de Israel e as elites imperialistas occidentais que os sosteñen terán que render contas e asumir a responsabilidade polo xenocidio que levaron a cabo, non só desde 1948 coa fundación do Estado de Israel, senón desde o Acordo de Sykes-Picot (1916) británico/francés e a Declaración de Balfour (1917). Este proxecto xeopolítico xenocida ten responsábeis claramente identificábeis. Eles son quen perpetrou ata o día de hoxe o xenocidio contra o pobo palestino e deben asumir o primeiro lugar da responsabilidade. Con todo, toda a humanidade está chamada a asumir a súa cota de responsabilidade polo xenocidio que está a ocorrer neste preciso instante. Cada un de nós está a ser xulgado espiritual e eticamente a través do espello da Terra Prometida, o que nos obriga a tomar unha posición. Aínda que non sexamos os perpetradores directos deste xenocidio, a nosa indiferenza ante esta atrocidade convértenos en cómplices. Os medios de comunicación (ou de desinformación masiva) expuxeron ante os ollos do mundo un xenocidio en vivo, en directo e a toda cor. Por tanto, todos somos conscientes do que está a suceder; todos somos conscientes de que os líderes do Estado de Israel deshumanizaron historicamente o pobo palestino, chegando a tratar toda a poboación peor que aos animais. De perseguidos a verdugos Estados Unidos insiste en que o Estado de Israel ten o dereito a se defender e, por tanto, estívolle brindando apoio mediático, diplomático e estratéxico-militar. Con todo, o dereito á defensa non existe na lei internacional para os colonizadores, soamente existe para os pobos colonizados. O Estado de Israel é unha potencia militar colonial con capacidade nuclear que non necesita ningunha axuda para impoñer a súa Vontade de Poder sobre o pobo palestino e Hamás, que só contan con pedras e foguetes rudimentarios (os Qassam 3). Dada esta enorme desigualdade nas capacidades materiais vémonos imposibilitados de caracterizar o conflito como unha guerra e, no seu lugar, preferimos falar de xenocidio e limpeza étnica. Gaza non é un cárcere aberto, senón o campo de concentración máis grande do mundo, con máis de dous millóns de seres humanos atrapados no interior Desde un punto de vista moral, os palestinos non só teñen a razón, senón tamén o apoio e a solidariedade de todos os pobos do mundo que se opoñen ao abuso, á soberbia e á crueldade do Estado de Israel. Na actualidade, o Estado de Israel converteuse no novo Exipto, mentres que Benjamin Netanyahu é o novo Faraón. A historia revirouse. Os xudeus en Terra Prometida deixaron de ser o pobo perseguido e convertéronse nos verdugos. Agora os perseguidos son os palestinos. A xustificación ideolóxica deste proxecto imperial-colonial é unha lectura literal e fetichista da Torah que traizoa o espírito dos mandamentos, ao mesmo tempo que dá forza e ánimo aos militares israelís que están na primeira liña do xenocidio. O gueto de Varsovia do XXI Unha elite que se autodefine como xudía e representante de todos os xudeus no mundo, o cal é completamente falso, está a perseguir, asasinando e cometendo abusos, torturas e xenocidio contra crianzas, mulleres e anciáns palestinos en condicións de absoluta vulnerabilidade. Gaza non é un cárcere aberto, senón o campo de concentración máis grande do mundo, con máis de dous millóns de seres humanos atrapados no seu interior. Nos cárceres polo menos os presos reciben comida, auga, electricidade, atención médica e nunca son bombardeados. Nos campos de concentración o colonizador corta os servizos e bombardea indiscriminadamente cunha crueldade sen límites porque busca a exterminación dos colonizados. No campo de concentración de Gaza, os colonizadores israelís controlan aspectos fundamentais da vida dos palestinos recortando arbitrariamente o acceso da poboación á alimentación, á auga, á electricidade, á comunicación e aos produtos que se importan e exportan. Bombardearon hospitais, escolas, mesquitas, bibliotecas, vivendas, oficinas de goberno e moito máis. A crueldade do Estado de Israel é impactante. Non teñen ningunha misericordia porque buscan a exterminación do pobo palestino para quedar cos seus territorios. Os paralelismos entre as políticas nazistas de exterminio de xudeus e as políticas sionistas de exterminación de palestinos son enormes. Gaza é o Gueto de Varsovia do século XXI. Por tanto, a Terra Prometida pon novamente toda a humanidade ante un espello espiritual e ético. De que lado estamos? Do lado dos perpetradores do xenocidio ou do lado das vítimas? É hora de tomar posición; ninguén pode facerse o desentendido, xa que mesmo aquel que se considere neutral está a tomar partido ao non actuar contra o xenocidio.